Жорий йилнинг 28 февраль куни АҚШдаги Оқ уйда АҚШ президенти Дональд Трамп ва Украина президенти Владимир Зеленсскийнинг учрашуви бўлиб ўтди. Учрашувда икки давлат президентлари ўзаро тортишиб қолишгани ижтимоий тармоқларга сиздирилди.
Дональд Трамп ва Владимир Зеленский ўртасидаги суҳбатни тугатиш ташаббускори АҚШ президенти бўлди. Бу ҳақда Х ижтимоий тармоғида Fох News журналисти, Оқ уй пресс-пулининг катта мухбири Жеки Хайнрих ёзди.
У Украина раҳбарининг ўзи учрашувни муддатидан олдин тарк этишга қарор қилгани ҳақидаги даъволарни рад этди. "Трамп Зеленскийни ҳайдаб юборди, у ўз хоҳиши билан кетмади," - деди у.
Хайнрихнинг қайд этишича, Зеленскийнинг хатти-ҳаракатлари Трамп ва унинг жамоасининг ғазабини қўзғатган. Айниқса, унинг "елкасини қисиб, кўзларини олайтириши" уларга ёқмаган.
Аввалроқ Трамп Зеленский можарони тинч йўл билан ҳал қилишга тайёр бўлганида у билан музокараларни қайта бошлашга тайёрлигини маълум қилганди. У Украина раҳбарини ҳурматсизлик ва ношукурликда айблади ва бундай шароитда музокаралар олиб бориш жуда қийин бўлишини таъкидлади.
