Аввалроқ, ижтимоий тармоқда ёш болакай Li L9 автомобилини бошқариб кетаётгани акс этган видео тарқалди.
Тошкент вилояти ИИББ ЙҲХБ хабарига кўра, 2012 йилда туғилган болага рулга ўтиришга рухсат берган Li L9 автомобили эгасининг шахсини аниқланган.
Маълум бўлишича, болакайга унинг дадаси бу ишга розилик берган. Эркак нафақат ўғлига машина ҳайдашга рухсат берган, балки содир бўлаётган воқеаларни камерага шахсан ўзи тасвирга олган ва кейин видеони ижтимоий тармоқларга жойлаган.
Автотранспорт эгасига нисбатан маъмурий баённома тузилган ва Li L9 вақтинча сақлаш учун жарима майдонига жойлаштирилган.
