Бугун, 17 февраль куни Миллий олимпия қўмитасида Ўзбекистон енгил атлетика федерациясининг навбатдан ташқари сайлов конференцияси бўлиб ўтди ва унда ташкилий масала кўриб чиқилди.
Давлат божхона қўмитаси раиси Акмалхўжа Мавлонов федерация раҳбари этиб сайланди. У бу лавозимда "Ўзбекнефтгаз" АЖ раиси Баҳодир Сидиқов ўрнини эгаллади.
Отабек Чориев, Андрей Абдувалиев ва Камолиддин Усмонов раис ўринбосарлари этиб тайинланди.
Камолиддин Рўзмуҳаммедов федерация бош котиби лавозимини эгаллади.
