Швециянинг Эребру шаҳридаги мактабда содир бўлган отишмада ўн нафарга яқин киши ҳалок бўлди. Бу ҳақда Швеция полицияси матбуот хизмати хабар берди.
"Ҳодиса оқибатида ўн нафарга яқин киши ҳалок бўлди," - дейилади хабарда.
Айни пайтда полициячилар ҳалок бўлганларнинг шахсини аниқламоқда. Жабрланганларнинг умумий сони ҳозирча маълум эмас.
Шу куни Швецияда отишма туфайли мактаб ҳудудида йирик полиция операцияси ўтказилаётгани ҳақида хабар берилганди. Туман аҳолисига таълим муассасасидан имкон қадар узоқроқда бўлиш ёки хавфсизлик нуқтаи назаридан ўз уйларида қолиш тавсия қилинди.
