Аввалроқ, ижтимоий тармоқда Шайхонтоҳур тумани Toshkent city ҳудудидаги кўп қаватли уйда ёнғин содир бўлгани ҳақида хабарлар тарқалди. Ҳолат юзасидан Тошкент шаҳар ФВБ маълумот берди.
Қайд этилишича, 23 январь куни соат 19:49 да Тошкент шаҳар Шайхонтоҳур тумани Ботир Зокиров кўчаси Toshkent city ҳудудида жойлашган 9 қаватли уйнинг том қисми ёнаётганлиги тўғрисида Тошкент шаҳар ФВБга хабар тушган.
Шунга кўра, ёнғин-қутқарув техникалари этилган манзилга соат 19:53 да етиб бориб, ёнғин соат 20:03 да қуршаб олиниб, соат 20:05 ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.
