Бугун, 22 январь куни соат 09:10 атрофида Чилонзор тумани Бунёдкор кўчасида ЙТҲ содир бўлди. Бу ҳақда Тошкент шаҳар ИИББ ЙҲХБ Ахборот хизмати хабар қилди.
Аниқланишича, ушбу йўл-транспорт ҳодисаси 1998 йилда туғилган ҳайдовчи У.М. бошқарувида бўлган Malibu-2 ва 2002 йилда туғилган ҳайдовчи М.М. бошқарувидаги Malibu-2 русумли автомашиналари ўртасида юз берган.
ЙТҲ оқибатида ҳар иккала ҳайдовчига ҳам биринчи тиббий ёрдам кўрсатилган.
Ҳозирда ҳодиса юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
