“Ўзэнергоинспексия” Қашқадарё вилоят ҳудудий бошқармаси томонидан тезкор тадбир ўтказилган. Тезкор тадбир давомида Қарши шаҳрида жойлашган Республика ихтисослаштирилган Она ва бола саломатлиги маркази Қашқадарё вилояти филиалида 4 дона чиллер совутиш тизимини (қуввати 612.6 кВт) электр тармоқларига тўғридан-тўғри уланганлиги маълум бўлди.
Мазкур қоидабузарлик оқибатида дастлабки ҳисоб-китобларга кўра, электр таъминоти корхонаси манфаатига 2 млрд 182 млн сўмлик электр энергиясидан ноқонуний фойдаланганлиги аниқланган.
"Ушбу ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди",- дейилади хабарда.
