Бугун, 18 сентябрь куни соат 15:09 да Учтепа тумани Тақачи кўчасида жойлашган шахсий хонадонда ёнғин содир бўлаётгани тўғрисида, Тошкент шаҳар ФВБга хабар келиб тушган.
Маълум бўлишича, ёнғин қутқарув экипажлари манзилга соат 15:14 да етиб борган. Ёнғин соат 15:42 да қуршаб олиниб, соат 15:50 да ўчирилган.
Ёнғин натижасида тан жароҳати олган ва вафот этган фуқаролар йўқ.
Ҳозирда ёнғин сабаби ва моддий зарари аниқланмоқда.
