Жорий йил 1 июндан эътиборан бир куб метр "метан" газнинг энг баланд нархи 3750 сўмдан ошмаслиги белгиланмоқда.
Бу ҳақда Вазирлар Маҳкамасининг тегишли қарори қабул қилинган, дея хабар бермоқда Энергетика вазирлиги.
Вазирликнинг хабарига кўра, онлайн режимда маълумотлар узатмаётган, чакана сотишда чекланган нархнинг асоссиз оширилишига, ноқонуний уланишга, ёқилғи-энергия ресурсларини талон-торож ва ноқонуний истеъмол қилинишига йўл қўйган автомобилларга газ тўлдириш компрессор шохобчаларига табиий газ етказиб берилиши тўхтатилади.
