Давлат дастури тўғрисидаги Президент Фармони лойиҳаси кенг жамоатчилик муҳокамаси учун эълон қилинди.
Лойиҳада Қашқадарё ва Сурхондарё вилоятларида тажриба-синов тариқасида умумий ўрта таълим мактабларига олис ҳудудлардан қатнайдиган ўқувчилар учун аутсорсинг асосида бепул автобуслар қатнови йўлга қўйилиши таъкидланди.
Фармон лойиҳасига кўра, мазкур тартиб 1 сентябрдан бошлаб амалга оширилиши қайд этилди.
Тўлиқ, сифатли ва сўзсиз бажарилиши учун масъуллар этиб, Қашқадарё ва Сурхондарё вилоят ҳокимлиги белгиланган.
