Бугун Доҳада Ўзбекистон элчихонасининг очилиш маросими бўлиб ўтди ва Қатарда юртимиз байроғи ҳилпирай бошлади, дея хабар бермоқда Ўзбекистон ТИВ раҳбари Бахтиёр Саидов.
"Мамлакатларимиз раҳбарлари саъй-ҳаракатлари натижасида икки томонлама муносабатларимиз мисли кўрилмаган даражада ривожланмоқда. Жорий йил май ойида Тошкентда Қатар Давлати дипломатик ваколатхонаси фаолияти йўлга қўйилган эди. Шубҳасиз, ушбу элчихоналар алоқаларимизни янада мустаҳкамлашга хизмат қилади", - деб ёзади у ўзининг Telegram каналида.
