Ўзбекистон 20 ёшгача бўлган футболчилар ўртасидаги Осиё чемпионатига мезбонлик қилмоқда. Ушбу мусобақанинг ярим финал босқичида мусобақа мезбони Ўзбекистон U-20 терма жамоаси Жанубий Корея терма жамоасига қарши баҳс олиб боришди. Жанговар руҳда ўтган ўйиннинг асосий ва қўшимча дақиқаларида ҳисоб очилмади (0:0) ва ғолибни аниқлаш учун пенальтилар сериясига мурожаат қилинди.
Ўзига хос лотереяда Равшан Ҳайдаров шогирдлари рақибларини 3:1 ҳисобида мағлуб этишди. Ўзбекистон U-20 дарвозабони Отабек Боймуродов рақиб жамоа футболчилари тепган тўпларнинг учтасини қайтарди ва жамоаси финал йўлланмасини қўлга киритишига катта ҳисса қўшди. Шиддатли кечган учрашувда олинган фотоларни қуйида томоша қилишингиз мумкин.
Эслатиб ўтамиз, жорий йилнинг 18 март куни Осиё кубоги финал босқичида Ўзбекистон U-20 Ироқ U-20 терма жамоасига қарши баҳс олиб боради. Учрашув Тошкентдаги «Бунёдкор» стадионида 19:00 да старт олади.
