Солиқ қўмитаси Матбуот хизматининг маълум қилишича, "Солиқ" мобил иловасида рўйхатдан ўтказилган чеклардан ҳисобланган кешбэкни олиш учун Face ID бўйича идентификация қилиш талаб қилинади.
Бунинг учун қуйидагилар керак бўлади:
— Face ID бўлимига кириш;
— жисмоний шахснинг шахсий идентификация рақамини ((ЖШШИР) кўрсатиш;
— юзни тўлиқ суратга олиб, тасдиқлашга юбориш.
Маълумот ўрнида, январь ойида қарийб 2 млн нафар истеъмолчига 97 млрд сўм кешбэк ҳисобланган бўлиб, 1,7 млн нафарга яқин истеъмолчига 65,1 млрд сўм тўлаб берилган эди.
Эслатиб ўтамиз, 2022 йил 1 январдан бошлаб жисмоний шахслар банк карталарига харид суммасидан 1 фоиз кешбэк қайтарилмоқда. Илгари фақат 500 000 сўмдан ортиқ маблағни олиш учун фотосурат ёрдамида шахсни тасдиқлаш талаб қилинарди. Эндиликда бу шарт ҳар қандай бонус миқдори учун амал қилади.
