Аввалроқ, ижтимоий тармоқларда Тошкентдаги Nest one турар жой мажмуасида қурилиш ишларини олиб бораётган 9 нафар ишчи-ходимлари овқат етказиб берувчи МЧЖ томонидан етказиб берилган озиқ-овқат маҳсулотларини истеъмол қилиб, “овқат токсикоинфекцияси” ташхиси билан шифохонага мурожаат қилгани ҳақида хабарлар тарқалди.
UzNews.uz сўровига асосан Бош прокуратура матбуот хизмати раҳбари Ҳаёт Шамсутдиновнинг маълум қилишича, Шайхонтоҳур туман прокуратураси томонидан мазкур ҳолат юзасидан олиб борилган терговга қадар текшириш ҳаракатлари натижасига кўра, ЖКнинг тегишли моддалари билан жиноят иши қўзғатилган.
Ҳозирда туман прокуратураси томонидан дастлабки тергов ҳаракатлари олиб борилмоқда. Тергов натижасига кўра, айбдор шахсларнинг ҳаракатларига ҳуқуқий баҳо берилиши таъминланади.
