23 сентябрь куни, тахминан соат 18:30 да Чилонзор туманида натижаси ўлим билан якунланган ЙТҲ содир бўлди.
"Кобальт" русумли автомашина (такси) ҳайдовчиси юқори тезликда бошқарувни йўқотиб, дарахтга урилиб кетган.
Тошкент шаҳар ИИББ ЙҲХБда UzNews.uz мухбирига берилган хабарга кўра, ЙТҲ натижасида 1950 йилда туғилган йўловчи олинган тан жароҳатлари сабабли касалхонада ҳаётдан кўз юмган.
Машинада, шунингдек, аёлнинг 8 ва 11 ёшли набиралари ҳам бўлган, уларда ўрта даражадаги бош мия чайқалиши юз берган. 1980 йилда туғилган автомашина ҳайдовчиси ҳам жароҳатлар олган.
Ушбу ҳолат юзасидан жиноий иш қўзғатилган бўлиб, тегишли маълумотлар Тошкент шаҳар ИИББга берилган.
