Самарқанд туманида 21 март куни соат 23.30ларда Захлик маҳалласида яшовчи, РШТЁИМ Самарқанд вилояти филиали шифокори, 1974 йилда туғилган М.Эшонқулов уйи олдида ўзаро жанжал оқибатида, Навбоғ маҳалласида яшаган, 1965 йилда туғилган М.Ҳожиевнинг кўкрак ва қорин қисмига пичоқ билан уриб жароҳат етказган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, М.Ҳожиев касалхонага олиб кетилаётганида вафот этган. М.Эшонқулов эса қўлга олинган.
