4 июнь куни Миробод тумани ИИБ ва оммавий ахборот воситалари вакиллари билан Ибрагимов Жасурбекнинг ўлими юзасидан учрашув бўлиб ўтди.
Учрашув давомида Тошкент шаҳар ИИББ бошлиғи ўринбосари Дониёр Тошхўжаев сўзга чиқди. Дониёр Тошхўжаевнинг таъкидлашича, бўлиб ўтган воқеага бошқа шахсларнинг алоқадорлигини аниқлаш мақсадида коллежнинг 5 нафар ўқувчиси сўроқ қилинмоқда.
Сўроқ қилинаётганлар:
1. Ўлмас 2 курс,
2. Тимур 3 курс,
3. Ҳурмат 3 курс
4. Тимур 2 курс,
5. Бегзод 2 курс.
Айни вақтда гумондорларнинг барчаси шаҳар ҳудудида ва улар ҳуқуқни муҳофаза қилиш идоралари ходимлари томонидан сўроқ қилинмоқда, деб таъкидлади Тошхўжаев. Гумонланувчи шахслар Ўзбекистон ҳудудидан чиқиб кетмасликлари учун чоралар кўрилган.
Бундан ташқари, ИИББ вакили шуни таъкидладики, тергов давомида ўқитувчи ва тиббиёт ходимларининг ҳаракатларига ҳуқуқий баҳо берилади.
