Дастлаб Яшнобод туманида ўтказилган рейдда ЙПХБ МД катта инспектори, катта лейтенант Эркин Маҳкамбоев ҳамда ЙПХБ МД 4-сафарбарлик гуруҳи инспектори, сержант Мансур Санаев иштирок этишди.
Тадбир давомида автомашиналарда хавфсизлик қоидаларига риоя этмаган ҳолда капрон газ балонлари ўрнатилгани ҳолати назорат қилинди.
Шунингдек, куннинг иккинчи ярмида рейд Чилонзор тумани ҳудудида давом этди.
Чилонзор туманидаги тадбирда 3-дивизион катта инспектори, сафдор Исломжон Аҳмедов иштирок этди.
Ўтказилган тадбир давомида ҳайдовчилар томонидан хавфсизлик камари тақмаслик ҳолати, автомашина ойналарини белгиланган меъёрдан ошиқ қорайтирилгани, суғурта полисининг йўқлиги, автомашинани ўз вақтида техник кўрикдан ўтказмаганлик ҳолатлари аниқланди.
