Наманган шаҳри ҳокимининг 2018 йил 18 январдаги 54-сонли қарорига асосан 2018 йилнинг 1 февралидан бошлаб шаҳар йўналишларида қатновчи автобусларда имтиёзли, арзонлаштирилган ойлик йўл чипталари фойдаланилиши белгиланди.
Имтиёзли ойлик йўл патталарининг нархлари йўлкира тарифи 600 (олти юз) сўм бўлганда қўйидагича:
“Ягона” турдаги патталар 23 фоиз чегирма билан сотилади, нархи – 48 минг сўм;
“Tалаба” – 50 фоиз имтиёз билан сотилади, нархи 24 минг сўм;
“Ўқувчи” – 50 фоиз билан сотилади, нархи 24 минг сўм;
“Нафақа олувчи ва ногирон” – 50 фоиз имтиёз билан сотилади, нархи 24 минг сўм.
Ойлик йўл патталари 2018 йилнинг 25 феврал кунидан бошлаб Наманган шаҳрининг “Чорсу”, “Сардоба” ва 1-кичик туман “Aвтосалтанат” ҳудудида (ҳар ойнинг 25-санасидан, кейинги ойнинг 5-санасигача) сотилиши ҳам маълум қилинган.
