Тошкент шаҳар ИИББ матбуот хизматининг хабар беришича, айбланувчилар Мирзо-Улуғбек тумани ҳудудида жойлашган хонадон эшиги қулфини калит танлаш йўли билан очиб, 12 000 АҚШ доллари миқдоридаги пуллари ҳамда баҳоси 8 300 АҚШ доллари бўлган заргарлик буюмларини ўғирлашган.
Мазкур ҳолат юзасидан, Мирзо-Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 169-моддаси 4-қисми “а” банди (ўғирлик, яъни уй-жойга ғайриқонуний равишда кириб, жуда кўп миқдорда, ўзганинг мол-мулкини яширин равишда талон-торож қилиш) аломатлари билан жиноят иши қўзғатилган.
Тергов давомида аниқланишича, ўғирликни тўрт нафар фуқаро амалга оширган.
Дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда.
