Ички ишлар вазирлиги Йўл ҳаракати хавфсизлиги хизмати маълум қилишича, 2025 йил давомида мопед ва скутер ҳайдовчилари томонидан қарийб 300 та қоидабузарлик аниқланган бўлса, 2026 йилнинг ўтган даврида бу кўрсаткич 4 312 тага етган.
Шунингдек, 162 та ҳолатда мопед ва скутер ҳайдовчилари тегишли ҳужжатларсиз ҳамда маст ҳолда транспорт воситасини бошқаргани аниқланган.
Вазирликда қайд этилишича, ушбу кўрсаткичлар мопед, скутер ва кичик ҳажмли мототранспорт воситаларини бошқаришда хавфсизлик талабларини кучайтириш зарурлигини кўрсатади.
Эслатиб ўтамиз, 2026 йил 1 январдан мопед ва скутер ҳайдовчилари учун янги A1 тоифаси жорий этилган. Ушбу тоифани олиш учун автоўқув курсларида ўқиш талаб этилмайди — фуқаролар тўғридан-тўғри имтиҳон топшириши мумкин.
Комментарии