Тошкент метросида вагонларнинг қарийб 70 фоизи янгиланди

Тошкент метрополитенида йўловчиларга қулай шароит яратиш ва хизматлар сифатини ошириш мақсадида ҳаракат таркибини янгилаш ишлари давом эттирилмоқда.

Маълум қилинишича, жорий йил янги ўқув йили бошлангунига қадар режалаштирилган барча 14 та ҳаракат таркиби метро вагони паркига олиб келинган.

Янги поездларнинг харид қилиниши натижасида Тошкент метрополитени вагон паркининг қарийб 70 фоизи янгиланди.

Ҳозирда янги авлод ҳаракат таркиблари метрополитеннинг 4 та йўналишида ҳаракатланмоқда. Бунинг натижасида, айниқса, куннинг тиғиз вақтларида поездлар ҳаракати оралиғи қисқартирилган.

Куннинг тиғиз вақтларида поездлар:

- Чилонзор йўналишида — 1,5–2 дақиқалик;
- Ўзбекистон йўналишида — 3 дақиқалик;
- Юнусобод йўналишида — 4 дақиқалик;
- Ер усти ҳалқа йўналишида — 7–8 дақиқалик интервал билан ҳаракатланмоқда.