Амалдаги қонунчиликка кўра, парламент сайлов санасини овоз бериш кунига камида тўрт ой қолганда эълон қилиши керак. Агар белгиланган муддатда сайлов санаси белгиланмаса, сайловлар автоматик равишда охирги муддатдан кейинги кунга тайинланган ҳисобланади.
Дастлабки маълумотларга кўра, сайловолди ташвиқот жараёни 22 ёки 23 декабрдан бошланиши мумкин.
Қирғизистон президенти лавозимига давлат тилини биладиган, 35 ёшга тўлган фуқаро сайланиши мумкин. Номзод хорижий давлат фуқаролигига эга бўлмаслиги ва Қирғизистонда камида 15 йил яшаган бўлиши лозим.
Қонунга киритилган янги ўзгартишларга кўра, судланганлиги олиб ташланган шахс ҳам президентликка номзод бўла олмайди. Шунингдек, жиноят иши реабилитация қилмайдиган асослар бўйича тугатилган шахсларга ҳам номзод бўлиш тақиқланади.
Аввалги тартибда эса номзоднинг судланган бўлмаслиги талаб қилинган, бироқ судланганлиги тугалланган ёки олиб ташланган шахслар сайловда иштирок этиши мумкин эди.
Комментарии