Президентнинг тегишли қарорига мувофиқ, Зоидов Қаҳрамонжон Обиджонович мудофаа вазирининг қурол-яроғ ва жиҳозлар бўйича ўринбосари этиб тайинланди. У тайинловга қадар Ҳарбий хавфсизлик ва мудофаа университети Қуруқликдаги қўшинлар институти бошлиғи лавозимида ишлаган.
Муратов Жаҳонгир Дилшатович эса мудофаа вазирининг комплаенс ва коррупцияга қарши курашиш соҳасида ички назорат бўйича ўринбосари лавозимига тайинланди. У бунга қадар Тошкент шаҳри Чилонзор тумани прокурори лавозимида фаолият юритган.
Мудофаа соҳасида сўнгги йилларда армияни замонавий қурол-яроғ ва техника билан таъминлаш, шунингдек, бошқарув ва назорат тизимларини такомиллаштириш бўйича ишлар олиб борилмоқда.
Комментарии