Ўзэнергоинспекция томонидан август ойида ўтказилган назорат тадбирлари давомида истеъмолчилар томонидан энергия ресурсларидан ноқонуний фойдаланиш билан боғлиқ 321 та ҳолат аниқланди.
Маълум қилинишича, ушбу ҳолатлар натижасида дастлабки ҳисоб-китобларга кўра, жами 71,9 млрд сўм зарар қайта ҳисоб-китоб қилинган.
Жумладан, 19 млн кВт·соат электр энергиясидан ноқонуний фойдаланилган бўлиб, унинг қиймати 40,7 млрд сўмни ташкил этган.
Шунингдек, 10 млн куб метр табиий газ талон-торож қилингани аниқланиб, 31,2 млрд сўм миқдорида зарар ҳисобланган.
Бундан ташқари, истеъмолчилар томонидан энергия ресурсларидан фойдаланиш қоидаларини бузиш билан боғлиқ 340 та маъмурий иш расмийлаштирилган.
Комментарии