Мирзиёев айрим ҳудуд раҳбарларини аҳолини ишли қилиш бўйича танқид қилди

Йиғилишда айрим ҳудуд раҳбарлари қўлидаги тайёр ресурслардан самарали фойдаланиб, аҳолини ишли қилишга билим ёки салоҳияти етмаётгани танқид қилинди.

Давлат раҳбари ҳудуд раҳбарлари замонавий иқтисодиётдаги тебранишлар ва тезкор ўзгаришларни тўғри англаб етмаётганини таъкидлади.

Қайд этилишича, ҳудудларда сўнгги бир йилда ташкил этилган 86 мингта кичик корхонанинг 15 мингтаси, яъни 17 фоизи ўз фаолиятини тўхтатган.

Шунингдек, банклардан кредит олиб, бизнесини йўлга қўя олмаган 62 минг нафар аҳоли кредитларни қайтаришда қийналаётгани айтилди.

Бунга сабаб сифатида эса ҳозирча атиги 1 мингта маҳалладаги ҳоким ёрдамчиси ва маҳалла банкири «лойиҳавий ёндашув» асосида ишлашни билиши кўрсатилди.