Судья Жаннетт Варгас мазкур сиёсат АҚШ қонунчилигига зид экани ва Давлат котиби Марко Рубио ваколатларидан ташқарига чиққан ҳолда қабул қилинганини таъкидлади.
Қарорга кўра, консуллик ходимлари ҳар бир аризачининг ҳужжатларини алоҳида кўриб чиқиши керак. Фақат фуқаролик асосида бутун бир давлат фуқароларига нисбатан умумий чеклов жорий этиш қонунчиликда белгиланган тартибни бузади.
Рўйхатга Ўзбекистон билан бир қаторда Россия, Қозоғистон, Қирғизистон, Тожикистон рўйхатда йўқ, шунингдек Эрон, Ироқ, Покистон, Беларусь, Грузия, Арманистон ва бошқа давлатлар киритилган эди.
Суд нафақат визалар беришни тўхтатиш сиёсатини бекор қилди, балки айнан шу чеклов асосида рад этилган визаларни қайта кўриб чиқишни ҳам буюрди.
Шу билан бирга, қарор ушбу давлатлар фуқароларига визалар автоматик равишда берилишини англатмайди. Консуллик ходимлари қонунчиликда назарда тутилган бошқа асослар бўйича виза беришни рад этиши мумкин.
Томонлар 11 сентябрга қадар иш бўйича қолган талабларни кўриб чиқишнинг кейинги тартиби юзасидан судга қўшма таклиф киритиши керак.
Комментарии