Бугун, 6 август куни соат 12:29 да Тошкент вилояти Зангиота тумани «Токзор» маҳалласи ҳудудида жойлашган дўконлардан бирида ёнғин содир бўлгани тўғрисида ФВБ навбатчилик қисмига хабар келиб тушган.
Хабарга асосан, воқеа жойига зудлик билан қутқарув экипажлари етиб бориб, ёнғинни бартараф этиш ишларини бошлаган.
Фавқулодда вазиятлар вазирлиги маълум қилишича, ёнғин соат 14:09 да тўлиқ бартараф этилган.
Ҳодиса оқибатида жабрланганлар қайд этилмаган.
Ҳозирда ёнғиннинг келиб чиқиш сабаблари ва етказилган моддий зарар миқдорига аниқлик киритилмоқда.
Комментарии