Тошкент шаҳар Божхона бошқармасининг "Келес" темир йўл чегара божхона пости инспектори О.С. тезкор тадбир давомида 3 000 АҚШ доллари пора олган вақтида ашёвий далиллар билан ушланди.
Маълум қилинишича, у фуқаро А.З.дан республика ҳудудига айланма йўллар орқали олиб кирилган 10 дона iPhone телефонларини бошқа шахсларнинг паспорт маълумотлари орқали расмийлаштириб, уларнинг IMEI кодларини рўйхатдан ўтказиб беришни ваъда қилган.
Ҳолат юзасидан ЖКнинг 210-моддаси (пора олиш) билан жиноят иши қўзғатилган. Айни пайтда тергов ҳаракатлари олиб борилмоқда.
Комментарии