Ўзбекистон ташқи ишлар вазири Озарбайжоннинг янги тайинланган Фавқулодда ва Мухтор Элчиси Рашад Мамедовнинг ишонч ёрлиқлари нусхаларини қабул қилди. Бу ҳақда Бахтиёр Саидов ўзининг Телеграм-каналида ёзди.
Учрашувда сиёсий мулоқотнинг юқори суръатини сақлаб қолиш, савдо-иқтисодий ва инвеститсиявий ҳамкорликни кенгайтириш, шунингдек, транспорт ва логистика соҳасидаги қўшма лойиҳаларни илгари суришга алоҳида эътибор қаратилди.
"Элчининг бой дипломатик тажрибаси Ўзбекистон-Озарбайжон иттифоқчилик муносабатларини янада мустаҳкамлашга ва ҳамкорлигимизни янги амалий натижалар билан бойитишга хизмат қилишига ишонамиз," - деди ТИВ раҳбари.
Эслатиб ўтамиз, Озарбайжоннинг Ўзбекистондаги собиқ элчиси Гусейн Гулиев жорий йилнинг июнь ойида дипломатик миссиясини якунлаган эди.
Комментарии