Ўзбекистонда 2026-2027 ўқув йили учун давлат олий ва профессионал таълим муассасаларига кириш тест синовлари ўтказиладиган саналар белгиланди.
Имтиҳонлар 14 июлдан 23 июлгача бўлиб ўтади. Тест синовлари ҳар куни икки сменада ўтказилади: биринчиси соат 08:00 да, иккинчиси соат 15:00 да бошланади.
Абитуриентлар тест бошланишидан камида бир ярим соат олдин имтиҳон ўтказиладиган жойга етиб келишлари шарт. Иштирокчилар ўз рухсатномасини my.uzbmb.uz сайти орқали олишлари мумкин, шундан сўнг уни юклаб олиш ва чоп этиш лозим.
Тест синовлари фақат абитуриент рухсатномасида кўрсатилган жойда, кунда ва сменада ўтказилади. Имтиҳон санаси, жойи ёки вақтини ўзгартириб бўлмайди.
Имтиҳонга паспорт ёки ID-карта ва чоп этилган рухсатнома билан келиш керак. Паспорт нусхаси, бошқа ҳужжатлар билан келган ёки кечиккан абитуриентлар тест синовларига қўйилмайди.
Комментарии