Кадастр агентлигида Урбанизация ва уй-жой бозорини барқарор ривожлантириш миллий қўмитаси раиси Шерзод Қудбиев раислигида йиғилиш ўтказилиб, унда кадрлар масаласи кўриб чиқилди.
Президент қарорига мувофиқ, Турдиев Садриддин Абдуллаевич Кадастр агентлиги директори вазифасини бажарувчи этиб тайинланди. У шу вақтгача прокуратура органларида турли раҳбарлик лавозимларида фаолият юритган.
Шунингдек, Президент администрацияси раҳбари фармойиши билан қуйидагилар тайинланди:
— Файзуллаев Мурат Мухтарович — Кадастр агентлиги директорининг биринчи ўринбосари;
— Ҳафизов Алишер Абдуазизович — Кадастр агентлиги директорининг ўринбосари;
— Мирмақсудов Мирсаид Садикович — Кадастр агентлиги директорининг ўринбосари;
— Абдуллаев Тўлқин Мансурович — Кадастр агентлиги директорининг ўринбосари.
Бундан ташқари, Абдуллаев Абдушукр Хамидович Кадастр агентлиги директори маслаҳатчиси этиб тайинланди.
Йиғилиш якунлари бўйича кадастр органлари раҳбарлари олдига асосий вазифалар қўйилди ҳамда идора фаолиятининг келгуси устувор йўналишлари белгилаб берилди.
Комментарии