Жиззах вилояти ИИБ матбуот хизматининг хабар беришича, селнинг оқибатларини бартараф этиш давомида опа-ука топилган: 14 ёшли қиз ва 9 ёшли бола.
Аниқланишича, улар Зомин тумани, Ширин қишлоғида яшаган ва озиқ-овқат дўконига чиққан. Қишлоқ ҳудудидан оқиб ўтувчи сойдан ўтаётган вақтда сел келиб оқизиб кетган.
Қизнинг жасади сой бўйида топилган. Бола ҳушсиз ҳолда туман тиббиёт бирлашмасига келтирилган, бироқ, кўрсатилган муолажага қарамасдан вафот этган.
